Yvirlit: Toppskjúttar hjá flokkum sínum og topp-tíggju samanlagt

Løgtingsvalið í gjár var á ymsan hátt torførari at meta um enn fleiri av undanfarnu valunum.

Soleiðis var eisini, og merkisverd Fleiri - serliga í Javnaðarflokkinum og í Tjóðveldi - full. Onnur lyftu sítt atkvøðutal nógv, og nýggj fólk komu brakandi inn.

Ben Arabo er nú alment politikkari eftir eitt flott val (Mynd: Jens Kr. Vang)

At Ben Arabo fór at verða valdur fyri Javnaðarflokkin, var sum so eingin ivi um, men fyrrverandi formaðurin í nýskipanarnevndini fekk 955 atkvøður: Undir 2.000 færri enn formaðurin í flokkinum. Aksel V. Johannesen misti yvir 800 atkvøður, í mun til valið í 2022.

Les eisini: Beinir stendur sum vinnari - pápabeiggin sum ein av taparunum

Sí eisini: 
Aksel V. Johannesen: Suðuroyartunnilin er neyðugur - men hevur kostað kring landið
Beinir: - Havi ikki torað at trúð uppá góðu veljarakanningarnar

Bróðursonurin yvirtók sum fyrstvaldi samanlagt. Beinir Johannesen gekk tó í roynd og veru aftur við ellivu atkvøðum, í mun til seinasta løgtingsval. Á listanum hjá størsta flokkinum gingu Bárður á Lakjuni og Jørgen Niclasen tó nógv fram og endaðu báðir í topp-tíggju samanlagt. Elsebeth Mercedis Gunnleysdóttir og Jacob Vestergaard gingu eisini nógv fram, meðan Fróði Magnussen úr Havn var nýggja stóra navnið.

Sindur ymisk støða hjá familjulimunum úr Klaksvík - men tó nakað av plássi til smíli hjá tí sum stóð við væl verra úrslitinum. Kanska eitt samstarv hómast ? (Mynd: Jens Kr. Vang)

Myndir: Vinnarar og taparar av løgtingsvalinum í kvøld

Tvey forfólk settu persónlig met í gjár. Tað vóru Bárður á Steig Nielsen, sum hækkaði atkvøðutali við 127 atkvøðum og nærkaðist 1.500, og Ruth Vang, sum var beint undir 1.000 atkvøður.

Á Sambandslistanum gekst eisini av álvara framá hjá Eyðdis Hartman Niclasen og Helga Abrahamsen: tey bæði sum stóðu hvør sínu megin í stríðnum um fosturtøkumálið vóru ávikavist næstvald og triðvald á listanum. Síðani kom ein spildurnýggjur í landspolitikki inn sum nummar fýra hjá Sambandsflokkinum.

Les eisini: Atli F. Johansen er tingmaður eftir kanónval

Sí eisini: 
Bárður ynskir eina breiða semju
Ruth Vang: - Eg síggi góðar møguleikar í samstarvinum við Fólkaflokkinum - og við øðrum

Bárður á Steig Nielsen hevði eitt gott kvøld - og tað hevði Sambandsflokkurin sum heild eisini (Mynd: Jens Kr. Vang)

Hjá Tjóðveldi og Miðflokkinum var forfólki ikki ovast. Sirið Stenberg gekk nakað fram frá seinasta vali, síðani hon er vorðin forkvinna í Tjóðveldi, men gamli formaðurin Høgni Hoydal og nýggja stjørnuskotið í flokkinum og í føroyskum politikki, Bjørg Brynhildardóttir Egholm endaðu frammanfyri.

Sí eisini: Bjørg Brynhildardóttir Egholm yngsta tingfólk nakrantíð
- Eg hevði sagt bullshit

Sirið Stenberg kundi eftir úrslitið á Hálsi fegnast. Við 566 var Sirið Stenberg tó ikki ikki meira enn triðvald hjá Tjóðveldi (Myndir: Jens Kr. Vang)

Steffan Klein Poulsen gekk aftur fram, og nú fór tann yngri av Miðflokkatingmonnum frammum tann eldra - og væl og virðiliga tað. Jenis av Rana misti so at siga helmingin av sínum atkvøðum frá 2022, meðan Steffan Klein Poulsen kom uppum 700 atkvøður. Miðflokkurin fekk aftur tvey tingfólk.

Ikki eitt serliga gott persónligt val hjá Jenisi av Rana - serliga í mun til seinasta val, og Miðflokkurin gekk yvir eitt prosent aftur (Mynd: Sverri Egholm)

Topp-tíggju í atkvøðutali samanlagt:
1. Beinir Johannesen, 1.677 (A)
2. Bárður á Steig Nielsen, 1.478 (B)
3. Aksel Vilhelmsson Johannesen, 1.144 (C) 
4. Ruth Vang, 992 (F)
5. Bjørg Brynhildardóttir Egholm, 972 (E) *
6. Ben Arabo, 955 (C) *
7. Bárður á Lakjuni, 837 (A)
8. Steffan Klein Poulsen, 701 (H)
9. Jørgen Niclasen, 659 (A)
10. Eyðdis Hartmann Niclasen 636

Sámal Petur í Grund (D) fekk 551 atkvøður, sum er persónligt met - og eitt tal sum fekk Sjálvstýri inn um tinggátt í kvøld.

Sí eisini: Video: Á veg at fegnast um semjuna - løgreglan støðgaði Sámal Peturi

Sí øll úrslitini her

Sámal Petur í Grund fegnast og verður fagnaður. Sjálvstýri megnaði at stríða seg uppum tinggátt, og royndi politikkarin verður aftur at síggja í løgtinginum..

...ella í Tinganesi saman við Beini Johannesen (Myndir: Jens Kr. Vang)

Myndir: Vinnarar og taparar av løgtingsvalinum í kvøld