Hildið skúlan reinan í 40 ár

Á lítlari samkomu í Hvalvíkar skúla í dag varð Katrina Svartá viðurkend fyri at hava verið vaskikona í Hvalvíkar skúla í samfull 40 ár. 

Fríðbjørg Hammer, fyrstilærari, helt røðu og las yrking upp, sum lærarar og næmingar hava gjørt. Eisini fekk Katrina handað gávu, skrivar heimasíðan hjá Sunda kommunu.

Heðin Zachariasen borgarstjóri í Sunda kommunu takkaði Katrinu fyri valaverk øll hesi árini og ynskti henni alt tað besta frameftir. Katrina fekk eisini gávu frá kommununi.