Innanlands

Høgni Hoydal fær ikki hægri løn hóast økt málsøki

Hóast hann er landsstýrismaður í fiskivinnumálum og nú eisini í mentamálum, fær hann ikki meira í løn

Høgni Hoydal (Savnsmynd: Jens Kr. Vang)

Høgni Hoydal (Savnsmynd: Jens Kr. Vang)

2019-02-16 09:21 Author image
Sverri Egholm
placeholder

Hóast Mentamálaráðið er klovið í tvey og nú hevur tvey landsstýrisfólk, fer hetta ikki at kosta meira í landsstýrismannalønum.

Tað vísir svar upp á fyrispurning, sum Portalurin hevur fingið frá Løgmansskrivstovuni.

Hanna Jensen sum er vorðin landsstýriskvinna í skúlamálum fær vanliga landsstýrismannaløn frá 1. mars at rokna, og hóast Høgni Hoydal, sum frammanundan er landsstýrismaður í fiskivinnumálum, hevur fingið víðkað málsøki við mentamálum, verður hansara løn óbroytt.

Nýggi landsstýrismaðurin í mentamálum fer sum skilst at vera í Mentamálaráðnum onkran dag um vikuna.

Landsstýrismannalønin liggur upp ímóti 70.000 krónum um mánaðin.

Býtið í Mentamálaráðnum

Hanna Jensen, skúlamál
Miðnámsútbúgvar
Børn og dagstovnar
Vaksnamannalæra
Hægri útbúgvingar
Fólkaskúlin
Gransking

Høgni Hoydal, mentamál
Kirkjumál
Ítróttur
Mentan
Miðlar
Søvn
List

Les eisini: Tjóðveldi kundi gjørt krav upp á væl meira

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder