Hvítanes fekk hjálp frá Brimli

Farmaskipið Hvítanes hjá Smyril Line var so óheppið í gjárkvøldið, at tað rendi á eitthvørt og fekk hol á skrokkin.

Av MRCC støðini siga tey, at Hvítanes ikki var norðanfyri Føroyar, sum portal.fo skrivaði fyrr í morgun, men at skipið var statt útfyri Gøtunes.

MRCC-støðin fekk boðini um kl. 22:29, tá Hvítanes ringdi á støðina. Boð vórðu send til Brimil, sum lá á Kollafirði, um at fara norð at veita hjálp.

Tað tók eina løtu hjá Brimli at koma fram, har hjálpt var til at seta sperru um skipið, tá teir vóru komnir á Fuglafjørð.