Í dag verður heitasti dagur í Evropa í ár

Dagurin í dag verður heitasti dagurin í ár, siga veðurfrøðingar sambært nrk.no.

Fyrr í vikuni vórðu ávaringar um nógvan komandi hita fráboðaðar av myndugleikum, og tað sær út til, at í dag verður nógvi fráboðaði hitin í suðurevropa til veruleika. 

Væntandi kunnu bæði tað spanska og tað portugisiska hitametið verða sett av ný í dag. Mesti hitin, sum nakrantíð er máldur í londunum, er 47,3 og 47,4 hitastig í ávikavist Montoro í Córdoba-landspartinum 13. juli 2017 og Amarelja 1. august 2003.

Sambært Yr.no verða hesi støðini tey heitastu í Evropa komandi dagarnar: 

Spania:

• Mérida – 42 hitastig í dag
• Córdoba – 44 hitastig í dag

Portugal:

• Lisboa – 38 hitastig í dag
• Beja – 41 hitastig í dag