Agnar Prestá
Ukrainski býurin Poltava varð fyrrapartin raktur av enn einum russiskum rakettálopið. Hetta skriva millum annað Reuters, umframt fleiri stórir altjóða miðlar.
Ukrainska verjumálráðið skrivar, at fleiri fólk vóru á veg í bumbuskýlini, tá tey vórðu rakt. Tað gekk so skjótt millum, at alarmurin fór, til at rakettirnar raktu.
Fólkatalið í búnum, sum liggur millum Kharkiv og Kiev, hevur ligið upp ímóti 300.000. Talan er ikki um eitt øki, ið hevur verið nógv rakt undir krígnum, sum byrjaði í februar 2022.
Fyrst varð deyðstalið lýst at vera 41 og talið av illa løstaðum 180. Nú er almenna talið av deyðum 47, og yvir 200 eru skødd.
Sjúkrahús og annað í undirstøðukervinum eru rakt.
Zelenskyj forseti hevur víst á, at Ukraina er ógvuliga viðbrekið mótvegis loftálopum. Tó eru nakrar russikar dronur skotnar niður í dag.
Vinarliga broyt tínar kennifíla - og privatlívsstillingar fyri at síggja hetta innihald