Ikki koyrandi á fleiri landsvegum

Í fleiri pørtum av landinum eru vánalig koyrilíkindi. 

Landsverk boðar frá, at  eru vánalig koyrilíkindir á Vestmannavegnum, á Eiðisvegnum og millum Fjarða. 

Tað er ikki koyrandi á Saksunarvegnum og sera ring koyrilíkindir á Tjørnuvíkarvegnum, Elduvíkarvegunum og á Funningsfjarðarvegnum. Gjáarvegurin er stongdur fyri í kvøld.

Vestmanna kommuna kunnar í kvøld eisini fólk um koyrilíkindini í bygdini, og tað verður mælt frá óneyðugari koyring.

Onnur maskinan til kavagrevstur hjá kommununi er óvirkin, og hetta ger tað trupult at kma runt í bygdini.  Tí eru ráðini at vit onnur koyra sum minst í býgdini, soleiðis at tað ber maskinførarunum betur til at koma runt. Bilar standa eisini fastir og hettar ger tað uppaftur torførari at grava.

Kommunan heitir tí á fólk um ikki at koyra óneyðugt í bygdini.