Ingun Eidesgaard er nýggjur eindarliðari

Ingun Eidesgaard er sett sum eindarleiðari í Heilsu- og umsorganartænastuni í Tórshavnar kommunu. Ingunn er útbúgvin sjúkrarøktarfrøðingur og hevur seinastu 4 árini starvast sum deildarleiðari á Traðarlon á Boðanesheiminum.

Harumframt hevur Ingunn starvast innan demensøkið, eins og hon í fleiri ár starvaðist á Familjudepilinum hjá Almannaverkinum.

Ingun verður eindarleiðari fyri Lágargarð, Tjarnargarð og Heimið í Vallalíð.
Ingun tekur í løtuni diplomútbúgving í leiðslu, skrivar Tórshavnar kommuna. Hon byrjar í starvinum 11 feb. 2019.