Alda Nielsdóttir
Iranskir miðlar boða frá, at iranski herflotin í dag hevur forðað amerikonskum krígsskipum í at sigla inn í Hormuzsundið, og at eitt amerikanskt herskip varð rakt av tveimum rakettum nærindis iranska havnabýnum Jask.
Amerikanski herurin sigur tó, sambært Ritzau, at eingi amerikonsk krígsskip eru rakt.
Eitt iranskt embætisfólk, sum tíðindastovan Reuters hevur tosað við, sigur, at ávaringarskot vórðu skotin móti einum amerikonskum krígsskipi, og at tað er ógreitt, um skipið fekk skaða.
Amerikanski forsetin, Donald Trump hevði sunnudagin boðað frá, at USA í dag fóru at byrja at hjálpa skipum, sum vóru føst í Hormuzsundinum, eitt átak, sum amerikanski forsetin hevur nevnt "Project Freedom".
Eftir hetta ávaraði Iran USA ímóti at fara inní Hormuzsundið.
Les eisini: Trump: USA fer at hjálpa skipum í Hormuzsundinum
Amerikanski herurin boðar í dag frá, at tvey handilsskip, sum sigla undir amerikonskum flaggi, eru farin gjøgnum Hormuzsundið í dag.
Vinarliga broyt tínar kennifíla - og privatlívsstillingar fyri at síggja hetta innihald