Isabella prinsessa verður hátíðarhildin

Mánadagin 21. apríl fyllir næstelsta barnið hjá kongshjúnunum og harvið nummar tvey í arvafylgjuni, 18 ár.

Í tí sambandi er tað hátíðarsýning á Kongaliga teatrinum í Keypmannahavn í kvøld.

Isabella prinsessa her saman við foreldrum sínum, Fríðriki kongi og Mary drotning (Skíggjamynd: DR)

(Skíggjamynd: DR)

Á gestalistanum eru tey kongaligu og so umleið 1000 ung fólk úr ríkisfelagsskapinum.

Millum teirra eru eitt nú Sigurlaug Maria Kjartansdóttir og Anna Jóanesardóttir Johannesen úr Føroyum. Tær vóru við í "Prinsessebussen" hjá Danmarks Radio, sum hevði savnað nøkur ung og prátaði við tey, meðan tey vórðu koyrd til Kongaliga teatrið.

Her varð prátað við ungu kvinnurnar, sum í føroyskum klæðum skuldu til hátíðarsýning hjá Isabellu prinsessu.

- Tá prinsurin fylti 18 ár vóru fleiri, sum vóru í føroyskum klæðum, og tað vildu vit eisini hesaferð, greiddu tær báðar frá.

Onnur úr Føroyum eru eisini á gestalistanum.