Ísraelskur journalistur skrivað skaldsøgu um Føroyar

Ísraelski Omri Galperin er útbúgvin lærari, stjórnmálafrøðingur, og fríyrkisjournalistur. Hann hevur skrivað nógv um ferðavinnu og hevur ferðast um allan heimin, og herfyri kundi hann eisini koyra “rithøvundur” á CVið, eftir at fyrsta skaldsøga hansara kom út í apríl.

Tað serliga við hesari skaldsøguni, “Oyggin við havsins enda”, er, at hon gongur fyri seg í Føroyum.

Hetta er helst fyrsta hebraiska skaldsøgan, sum gongur fyri seg í Føroyum, sigur Omri, sum greiðir frá, at hann sjálvur hevur búð í Føroyum í tvey ár, og var tað tá, hann fekk íblástur til skaldsøguna.

– Eg visti, tá eg búði í Føroyum, at eg ætlaði mær at skriva eina bók. At byrja við visti eg ikki, um tað fór at verða ein ferðabók ella endurminningar, men at enda setti eg mær fyri at skriva eina dramatiska skaldsøgu, greiðir Omri frá. Og skaldsøgan skuldi ganga fyri seg í Føroyum.

– Eg kendi staðið, fólkið, og mentanina. Føroyska søgan er serstøk, og tað var tíð hjá mær at fara undir skiftið frá journalist til rithøvund – og tað var eitt stórt upplivilsi fyri meg.

Les alla greinina ókeypis í Blaðnum Vikuskifti her