Italia vann Eurovision

Rokkbólkurin Måneskin, sum umboðaði Italia við lagnum “Zitti e buoni” vann í kvøld Eurovison-sangkappingina.

Tað gjørdi bólkurin við tilsamans 524 stigum frá evropeiskum sjónvarpshyggjarunum og dómsnevndunum. Hetta er fyrstu ferð síðani 1990, at Italia hevur vunnið.

(Mynd: EPA)

Danska navnið “Måneskin” kemur at bassspælarin er 21 ára gamla Victoria De Angelis, sum hevur danska mammu.

Ísland við lagnum “10 years” frá bólkinum Daði og Gagnamagnið endaði á fjórða plássi, hóast íslendingar ikki sluppu at framføra. Hetta orsakað av, at ein koronatilburður var staðfestur í bólkinum beint undan kappingina.

26 lond luttóku í finaluni, sum var í kvøld, og væntað verður, at umleið 200 milliónir sjónvarpshyggjarar fylgdu við.

Italia var ein av favorittunum undan finaluni í kvøld, men mett var eisini at Malta, Ukreina og Frakland høvdu góðar møguleikar.