Alda Nielsdóttir
Javnaðarflokkurin boðar í dag frá, at 27 ára gamla Ingilín D. Strøm stillar upp fyri flokkin til komandi løgtingsval, sum skal vera í seinasta lagi 31. august.
Ingilín er dóttir Hans Paula Strøm, fyrrverandi løgtinsmaður og landsstýrismaður fyri Javnaðarflokkin.
Hon hevur lisið á altjóða studentaskúlanum, United World College, eisini hevur hon m.a. búð og arbeitt í Addis Ababa og Keypmannahavn. Aftaná hetta flutti hon heim aftur til Føroyar, har hon síðani hevur tikið prógv í Føroyskum á Fróðskaparsetrinum.
Í frítíðini er hon m.a. virkin í Amnesty International, Ráð Teirra Lesandi, Býarfesti og Vistgrøði.
- Eg stilli upp, tí eg vil arbeiða fyri einum samfelag, ið flógvar um solidaritet og arbeiðir í felag um felags, rættvísar, burðardyggar og innihaldsríkar loysnir fyri náttúru og fyri menniskju, sigur Ingilín D. Strøm.
Meira kann lesast her.
Vinarliga broyt tínar kennifíla - og privatlívsstillingar fyri at síggja hetta innihald