Eftir løgtingsvalið hevur løgmaður lagt frá sær, og tað hevur sett gongd á eitt sonevnt formansumfar. Formenninir í politisku flokkunum á tingi hava ein og ein verið og tosað við løgtingsformannin og sagt, hvønn teir vísa á sum samráðingarleiðara.
Jenis av Rana hevur júst verið inni og tosað við løgtingsformannin, og hann hevur víst á Aksel V. Johannesen. Spurdur um, hvørja samgongu hann ynskir sær, sigur hann, at nógvir møguleikar eru. Alt frá einari gamlari heimastýrissamgongu til eina fullveldissamgongu.
Sostatt er greitt, at allir flokkar uttan ein vísa á Aksel V. Johannesen, formann Javnaðarfloksins, sum samráðingarleiðara. Beinir Johannesen, formaður Fólkafloksins, vildi ikki siga, hvønn hann vísti á.
Vinarliga broyt tínar kennifíla - og privatlívsstillingar fyri at síggja hetta innihald