Jens Marni sang seg í finaluna

Jens Marni Hansen var aftur í kvøld í tónleikakappingini Stjerneklar í Team Bryan Adams.

Teir tríggir á liðnum framførdu rokklagið "Run to you".

Í mun til hini umførini, var tað hesaferð bara ein av teimum trimum, sum slapp víðari. Og tá verturin Joakim Ingversen rópti tey upp, sum vóru komin víðari til finaluna, var Jens Marni Hansen fyrstnevndur.

Hann skal sostatt umboða Team Bryan Adams í finaluni sum verður í næstu viku.