Jólasangløta við Siloakórinum í annaðkvøld

Sum undanfarnu mongu árini bjóðar Siloakórið í Fuglafirði til eina jólaliga sangløtu í Siloa. Jólasangløtan verður í annaðkvøld, mikukvøldið 18. desember klokkan 20.

Á skránni eru bæði gamlir og nýggir jólasangir við góðum og fjølbroyttum útsetingum – og frálíkum solorøddum og undirspæli.

Okkurt tónleikastykki verður eisini at hoyra, og felagssangur er somuleiðis á skránni.

Kórleiðari er Eyðun á Lakjuni.

Aftaná verður ein drekkamuður at fáa - og øll eru hjartaliga vælkomin.