Kanada og Meksiko svara aftur

Í dag kom amerikanski tollurin á 25 prosent vørur úr Kanada og Meksiko í gildi, og sum aftursvar hevur Kanada ásett toll á 25 prosent á allar vørur, sum verða innfluttar úr USA.

Tollurin kemur í gildi umgangandi, sigur kanadiski forsætisráðharrin, Justin Trudeau.

– Har er als eingin tørvur ella orsøk til hendan tollin, sigur hann og leggur afturat, at avgerin hjá amerikanska forsetanum, Donald Trump um at leggja toll á kanadiskar vørur var "ein sera býtt avgerð".

Grundgevingin hjá Trump fyri at leggja toll á vørur úr Kanada og Meksiko er, at hesi londini viðvirka til eina heilsukreppu og tilflytarakreppu í USA, tí at ov nógvir tilflytarar úr Meksiko koma inn í USA ólógliga, umframt at ov stórar nøgdir av pínustillandi evninum fentanyl, sum á hvørjum ári tekur lívið av túsundatals amerikanarum, koma inn á amerikanska marknaðin úr hesum londum.

Meksikanski forsetin, Claudia Sheinbaum sigur, at stjórn hennara eisini fer at reagera og seta tiltøk í verk sum aftursvar til Trump.

Hon sigur, at tollurin ikki kann rættvísgerast, og at eingin vinnur.

Sunnudagin verður avdúkað, hvørjar amerikanskar vørur verða raktar av tolli, skrivar Ritzau.