Kaving hevur seinastu 10 árini ment seg til eina verðuliga vinnu

Kaving hevur seinastu 10 árini ment seg til eina verðuliga vinnu. Alt fleiri velja, at útbúgva seg innan hetta sermerkta arbeiði í Føroyum. Bæði ali- og byggivinnan brúka vinnukavarar at loysa uppgávur av ymiskum slag.

Í alivinnuni eru uppgávurnar serliga regluligar viðlíkahalds- og inspektións- uppgávur. Innan byggivinnuna er talan um konstruktións-arbeiði av ymiskum slag fram við landi.

Tað er ikki ofta at vit sleppa at síggja hvussu arbeiði hjá kavarum gongur fyri seg, men á hesum brotinum sleppa vit við einum vinnukavara til arbeiðis í føroysku alivinnuni.

Kavarin avgreiðir tvey arbeiðskav. Fyrsta er at kanna eina nót har dýpið er 25 metur og seinna kavið er at binda upphálaralínur í eina nót niðri á 15 metra dýpið.

Fyri at arbeiða sum kavari í Føroyum, skal ein hava arbeiðsloyvið frá Arbeiðs- og brunaeftirlitinum.

- Faroedive