Keypmannahavn: Kvinna skotin til deyðis

Seinnapartin varð ein kvinna skotin til deyðis á gøtuni í Brønshøj í Keypmannahavn.

Danska løgreglan fekk boðini um hendingina stutt eftir middag føroyska tíð.

Kvinnan, sum var 47 ár, doyði á staðnum, og ein persónur er handtikin í málinum, sigur løgreglan sambært Ritzau.

Handtikni persónurin er ein maður, men meira verður ikki upplýst um hann.

Enn er ov tíðliga at siga, um leitað verður eftir fleiri brotsfólkum í málinum. Motivið handan drápið er ógreitt.