KFUM bjóðar øllum at verða skóti í ein dag

Nú byrjar skótaárið aftur, og leygardagin 28. august hava øll møguleika at royna at vera skóti í ein dag.

Hetta tiltak er runt um í landinum hjá KFUM-skótabólkunum, og gevur hetta øllum, sum hava áhuga at royna skótalívið, at koma til ein dag, skriva KFUM-skótarnir í tíðindaskrivi.

Í dag eru 450 KFUM-skótar í Føroyum. KFUM-skótarnir í Føroyum hava ein skótadepil á Selatrað, og hava teir nógv virksemi runt um í landinum hvørja viku. Eisini er stórt skeið/leguvirksemi er alt árið.

Leygardagin klokkan 10 bjóða skótarnir øllum at vera skóti í ein dag.