Agnar Prestá
Í gjár hittust Áki í Skemmuni, stjóri á Atlantic Fair, og Karl H. Johansen, borgarstjóri, har teir skrivaðu undir sáttmála, ið tryggjar Klaksvíkini rættin at hýsa Atlantic Fair eitt ár afturat.
- Tað hevur stóran týdning, at kommunan áhaldandi arbeiðir við at skapar góðar karmar til vinnulívið, soleiðis at fyritøkur í kommununi kunnu samstarva og netverka við veitarar og kundar.
Hetta sigur Karl Johansen, borgarstjóri, ið fegnast um møguleikan.
Seinastu árini hevur stóra tiltakið verið á skrá í ítróttarhallunum í býnum, og hevur tað fingið nógvar fyritøkur og nógv fólk til Klaksvíkar
Áki í Skemmuni, stjóri fyri ráðstevnuna, sigur við klaksvik.fo, at umstøðurnar í Klaksvík at hava slíkar vinnu- og sølu stevnur eru sera góðar. Eftirspurningurin frá framsýnarum at er sera stórur og stevnan hevur eisini verið væl vitjað øll árini, sigur Áki.
Atlantic Fair verður í døgunum 28. - 30. mai 2024 í Klaksvík. Tað verður sjeynda árið, at stóra tiltakið verður á skrá í Klaksvík.
Vinarliga broyt tínar kennifíla - og privatlívsstillingar fyri at síggja hetta innihald