Kommunurnar fyrireika seg til fólkatingsvalið

Lars Løkke Rasmussen útskrivaði herfyri fólkatingsval at verða hósdagin 5. juni.

Hetta merkir at Føroya fólk grundlógardagin fáa møguleika at avgera, hvønn tey vilja skal umboða føroysk áhugamál á Fólkatingi.

Kommunurnar byrja nú so spakuliga at fyrireika seg til fólkatingsvalið. Fleiri kommunur hava longu gjørt vart við mannagongdirnar í samband við fólkatingsvalið og fleiri leggjast afturat hvønn dag.

Valhølini lata upp kl. 9 og veljast kann fram til kl. 20 – ella so leingi veljarar møta uttan steðg.

Teir veljarar, sum ikki hava møguleika at velja á valdegnum, kunnu velja við brævatkvøðu. Fleiri av kommununum gera vart við, at hetta skal gerast í seinasta lagi 3. juni. Leggjast skal til merkis, at tað er ymiskt frá kommunu til kommunu nær á degnum møguleikin at velja við brævatkvøðu endar.

Valkort verða send borgarum í næstum.