Agnar Prestá
Síðani stutt áðrenn klokkan tíggju hevur kongsvitjanin sett sín dám á Havnina - serliga í økinum frá Bursatanga til trappuna í Vágsbotni.
Á rutuni millum tey bæði støðini hava kongshjúnini vitjað í Tinganesi og í løgtinginum. Har hava tey millum annað heilsað uppá landsstýrisfólk, fingið rundvísing og fingið gávu, sum er frá Niels L. Arge: Kongur manchetknappar og drotningin eitt armband.
Úr Tinganesi yvir til tinghúsið varð spákað á Reyni.
Heilt fitt av fólki hevur verið og tikið ímóti á ymsu støðunum - seinast á trappuni har Elsa Berg helt røðu, og heilsað varð uppá býráðslimir. Silvitni sang tveir sangir, Havnar Hornorkestur framførdi aftur, og so gekk leiðin á Hafnia til frokost.
Seinnapartin skulu hátignini vitja við Tjarnir, í uppvenjingardeplinum URD (kongur) í Glyvra skúla (drotningin) og á Hotel Føroyum, har løgmaður hýsir veitsludøgurða.
Fylg við okkara beinleiðis bloggi, sum koyrir allan dagin, HER
Fleiri myndir og annað seinni
Vinarliga broyt tínar kennifíla - og privatlívsstillingar fyri at síggja hetta innihald