Konsertin skal tryggja teimum framførslu á heimsins størsta tungmálmsfestivali

Impartial skipar fyri serligari konsert í kvøld. Talan er um eina stuðulskonsert sum skal gera, at orkufullu Impartial sleppa á Wacken at spæla í summar.

Yvirskotið av konsertini skal nevniliga fíggja túrin til Týsklands, har Wacken - heimsins størsti tungmálsfestivalur - verður.

Tað var í 2020 at Impartial vann Wacken Metal Battle Føroyar, og vann sær sostatt luttøku á stóra Wacken festivalinum saman ár, men hesum stegðaði korona. Vanliga fær vinnarin av føroysku kappingini ferðina goldnað, men korona hevur eisini syrgt fyri, at hetta ikki ber til.

Konsertin byrjar í kvøld klokkan 22 og atgongumerki fáast á torsgota.fo.