Koyrdi inn í tunnilin hóast tað lýsti reytt

Ein bilførari, sum ikki aktaði ljósskipanina við tunnlarnar norður um fjall í morgun, fær nú eina bót á 1.500 krónur umframt eitt klipp í koyrikortið.

Løgreglan var á staðnum fyri at hava eftirlit við ferðsluni, og kundi avdúka ein bilførara, sum ikki støðgaði, hóast ferðsluljósið lýsti reytt.

Ferðsluløgreglan hevur í dag eisini skrivað út átta bøtur til bilførarar, sum ikki hildu hámarksferðina.