Koyrdi rúsaður í Vági

Beint eftir middag í gjár var løgreglan úti og gjørdi ferðmátingar í Vági.

Løgreglan steðgaði nøkrum bilum og fekk mistanka um, at ein av bilførarunum hevði smakkað sær á. 

Tað vísti seg eisini at passa, tí tá ið hesin bilførarin blásti í promillumátaran, vísti tað seg, at promillan var ov høg, sigur vakthavandi á løgreglustøðini.

Bilførarin verður tí skuldsettur fyri at koyra ávirkaður, men júst hvør revsingin verður, er ikki greitt, fyrrenn svar uppá blóðroyndirnar, sum vórðu tiknar av bilføraranum, koma aftur, sigur vakthavandi.