Koyrdu ov skjótt í Kollafirði

Í gjár varð løgreglan úti og kannaði ferðsluna í Kollafirði, og í hesum sambandi vórðu tríggir bilførarar tiknir fyri at koyra ov skjótt.

Tveir koyrdu ávikavist 117 og 118 kilometrar um tíman, og tað gevur eina treytaða frádøming.

Tann eini vísti seg at vera ein útlendingur, sum ikki hevði koyrikort, sum er galdandi í Føroyum, sigur vaktleiðarin á løgreglustøðini í Havn.

Ferðin hjá triðja bilføraranum varð máld til 106 kilometrar um tíman, og tað gevur eitt klipp.