Kringvarpsgjald og list í tinginum

Løgtingsfundur verður nú kl. 11 og á skránni eru fimm mál umframt framløgur.

Av teimum fimm málunum eru trý teirra til aðru viðgerð. Fyrsta málið til aðru viðgerð er uppskot til broyting í løgtingslóg um kringvarpgjald, har Jørgen Niclasen, løgtingsmaður, vegna Fólkaflokkin mælir til, at vinnufeløg verða undantikin kringvarpsgjald.

Næsta málið til aðru viðgerð er broyting í løgtingslóg um meirvirðisgjald og løgtings um áseting av skatti, har endamálið við uppskotinum er at taka burtur forðingar fyri føroyskum heimavirkisvirksemi, ið eru í skatta- og avgjaldslóggávu.

Eisini skal atkvøðast um uppskot um eina listaskúlaskipan, har Sambandsflokkurin heitir á landsstýrið um at fyrireika og leggja fram lógaruppskot um eina listaskúlaskipan, sum eigur at fevna um børn og ung í fólkaskúlaaldri, og listaskúlaskipanin eigur at virka kring landið.

Til fyrstu viðgerð eru uppskot til samtyktar um tilráðingar frá Norðurlandaráðnum og Útnorðurráðnum.

Tingvarpið sæst her.