Kúlubøka endaði á stevninum á Norrønu

Tá Norrøna kom á Seyðisfjørð í morgun var tað við eini deyðari kúlubøku á bungustevninum.

Áðrenn Norrøna legði at, varð hvalurin lyftur av bunguni og liggur nú bundin við bryggjuna í Seyðisfirði, skrivar Vísir.

- Skiparin heldur, at hetta er hent um sjey-tíðina í morgun, tá hann varnaðist, at okkurt var hent við stevninum, sigur eitt av starvsfólkunum hjá Smyril Line Cargo í Seyðisfirði, Víðir Gunnarsson við Vísir.

(Mynd: Víðir Gunnarsson / Vísir)

Hesin upplýsir, at skiparin hevur siglt í tríati ár, og ongantíð fyrr upplivað slíkt.

Roknað verður við, at hvalurin hevur verið hálvdeyður ella deyður, tá hann legðist á stevnið á Norrønu, skrivar Vísir.

Enn er óvist, hvat hendir við hvalinum – helst verður hann sleipaður út á streymasjógv aftur. 

(Mynd: RÚV / Rúnar Snær Reynisson)