Landsverk skipar fyri almennum kunningarfundi um nýggjan Hvalbiartunnil

Sunnudagin 10. mars skipar Landsverk fyri almennum kunningarfundi um nýggja Hvalbiartunnilin. Fundurin verður í Salt í Suðuroy.

Hesum boðar Landsverk frá í dag.

Tiltakið byrjar klokkan 13.15, har Heðin Mortensen, landsstýrismaður í samferðslumálum, bjóðar vælkomin. Síðani fer umboð fyri Landsverk at kunna um verkætlanina, og stjórin fyri arbeiðstakaran, Articon, fer at siga nakað um, hvussu arbeiðið verður lagt til rættis á staðnum.

Aftaná verður høvi at seta umboðum frá Landsverki, arbeiðstakara og ráðgeva spurningar ella gera viðmerkingar til verkætlanina.