Kunnu flyta inn um miðjan januar

Um miðjan januar kunnu tey fyrstu eftir ætlan flyta inn í nýggju leiguíbúðirnar við Dalavegin í Havn.

Tórshavnar kommuna skrivar, at fyrst í januar verða íbúðirnar bjóðaðar út til tey, sum eru á bíðilistanum hjá Bústøðum.

Herfyri varð boðað frá, at Tórshavnar kommuna og Bústaðir hava skipað almannagagnligt bústaðarfelag um leigubústaðir við Dalavegin, sum er tað fyrsta av sínum slag í Føroyum.

Talan er um 44 íbúðir, sum eru millum 74 og 123 fermetrar til støddar.

Upprunaliga ætlanin var, at tær skuldu vera lutaíbúðir.