Kunnu rokna við avlýsingum fyrst í komandi viku

Komandi dagarnar verður boðað frá nógvum vindi, og roknast kann við, at hetta fer at ávirka samferðsluna.

Strandferðslan skrivar á heimasíðuna, at roknast kann við broytingum og/ella avlýsingum á oyggja- og bygdaleiðum frá mánadegnum 6. februar og nakrar dagar fram.

Higartil er tó ikki boðað frá nøkrum avlýsingum ella broytingum.

Í løtuni verður boðað frá nógvum vindi kring landið. Koyrilíkindini hjá Landsverki kunnu síggjast her.