Kyiv: Tíggju fólk særd og eitt fólk latið lív í nátt

Í minsta lagi tíggju fólk eru særd, og eitt fólk hevur latið lív, eftir at Russland hevur framt eitt álop á ukrainska høvuðsstaðin, Kyiv í nátt, boða myndugleikarnir í Kyiv frá í morgun.

Bæði dronur og rakettir vórðu brúktar í álopinum, sum framdi skaða á fleiri bygningar ymsastaðni í býnum.

Ukrainska loftverjan sigur seg hava skotið niður fýra av níggju rakettum og 50 av 62 dronum. Hinar fimm rakettirnar og 12 dronurnar raktu 11 støð kring landið, skrivar Reuters.