Innlánsyvirskotið í føroysku peningastovnunum var 1,8 mia. kr. í februar 2023.
Innlánsyvirskotið er innlán hjá føroyskum peningastovnunum íroknað útlendskar deildir, frádrigið útlán hjá somu.
Samlaðu innlánini (uppsparingar) vóru í februar 2023 nærum 20,9 mia. kr., meðan samlaðu útlánini vóru góðar 19,1 mia. kr.
Innlánsyvirskotið fall nógv í 2021 orsakað av søluni av donsku deildini hjá BankNordik. Innlánini í føroysku bankunum eru síðani økt. Millum annað hevur privata vinnan økt um síni innlán hetta seinasta árið, og serliga er tað fiski- og alivinnan, sum hevur sett meira inn á konto í føroysku bankunum síðani á vári 2022.
Vinarliga broyt tínar kennifíla - og privatlívsstillingar fyri at síggja hetta innihald