Tíðindaskriv
Útlánsvøksturin hjá føroysku bankunum er øktur støðugt síðani august 2022.
Útlánini frá donsku realkredittstovnunum til føroyingar eru hinvegin minkað við góðum 100 mió. kr. hetta seinasta árið. Í mars 2022 vóru tey 3,9 mia. kr. tilsamans og í mars 2023 vóru tey 3,8 mia. kr. Meginparturin av útlánunum hjá donsku realkredittstovnunum er til sethúsafígging til føroysk húsarhald.
Danskir peningastovnar læna eisini út til føroyingar, og tað er í størstan mun privata vinnulívið, ið lænt verður til, og síðani ein minni upphædd til føroysk húsarhald.
Útlán frá donskum peningastovnum til føroyskar kundar eru lækkað við nærum 350 mió. kr. síðani mars 2022; tey vóru 465 mió. kr. í mars 2023.
Tilsamans eru útlánini til føroyingar sostatt netto økt við 550 mió. kr. frá føroyskum og donskum fíggjarstovnum tilsamans í tíðarskeiðinum mars 2022 til mars 2023.
Útlánini vóru nærum 22 mia. kr. tilsamans í mars 2023 og útlánsvøksturin frá føroysku og donsku peninga- og realkredittstovunum tilsamans var 2,6% í mars 2023 roknað sum eitt 3 mánaðar miðaltal í mun til sama tíðarskeið árið fyri.
![[object Object]](https://cdn-ac.knassar.fo/media/2023/05/27/gallery-thumbnail/1685179068v9uvwcoqvd.png)
Vinarliga broyt tínar kennifíla - og privatlívsstillingar fyri at síggja hetta innihald