Landsinnsavningin gav 750.000 krónur

Landsinnsavningin 2018 hjá Reyða Krossi gav 750.000 krónur. Tað boðar felagsskapurin frá.

- Reyði Krossur takkar føroyingum øllum, sum enn einaferð hava víst felagsskapinum stóra vælvild, soleiðis at Reyði Krossur fær nátt sínum endamáli at veita neyðhjálp, verður sagt.

Í miðal per íbúgva lata føroyingar munandi meira, enn gjørt verður í okkara grannalondum.

Nevndin í Reyða Krossi hevur gjørt av at veita eina hjálpandi hond har mest átroðkandi er, og senda 500.000 krónur sum neyðhjálp út í heim. Eisini eru avgerð tikin um at senda 250.000 krónur sum neyðhjálp til Yemen, og 250.000 krónur til Suður Sudan.