Sverri Egholm
Grønlendski landsrætturin hevur í dag staðfest avgerðina hjá rættinum í Nuuk um, at Paul Watson framhaldandi skal vera varðhaldsfongslaður.
Hesum boðar grønlendska løgreglan frá á heimasíðuni.
Tað var hósdagin í síðstu viku, at rætturin í Nuuk longdi varðhaldsfongslingin av hvalaaktivistinum, meðan danska løgmálaráðið viðger málið um útflýggjan til Japan.
Paul Watson kærdi avgerðina til landsrættin, sum nú altso hevur staðfest avgerðina. Paul Watson verður tískil fyribils sitandi til 5. september.
Hvalaaktivisturin varð handtikin tá hann 21. juli við skipinum John Paul deJoria legði at bryggju í Nuuk, har teir skuldu bunkra.
Síðan hevur hann sitið í varðhaldi. Tað er danska løgmálaráðið sum skal taka avgerð um Paul Watson skal útflýggjast til Japan til rættarsókn.
Vinarliga broyt tínar kennifíla - og privatlívsstillingar fyri at síggja hetta innihald