Landsstýrið latið Løgtinginum 42 uppskot

Landsstýrið hevur seinastu vikuna latið Løgtinginum í alt 42 uppskot, nú freistin at lata Løgtinginum uppskot er farin.

Uppskotini eru fjølbroytt og stava frá øllum stjórnarráðum, skrivar Løgmansskrivstovan.

Millum uppskotini, sum landsstýrið hevur latið Løgtinginum, eru:

• Uppskot til løgtingslóg um broyting í løgtingslóg um barsilsskipan (Leingjan av rættinum til barsilspening)
• Bústaðarætlanin hjá landsstýrinum (Fýra lógaruppskot)
• Uppskot til samtyktar um at seta í gildi fyri Føroyar fríhandilssáttmála millum Føroyar og Sameinda Kongsríkið Stórabretland og Norðurírland.
• Uppskot til løgtingslóg um broyting í løgtingslóg um familjuískoyti (Burturfall av familjuískoyti, hækkað familjuískoyti í serligum førum og familjuískoyti til kvinnur, sum uppihalda sær á kreppumiðstøð)
• Uppskot til løgtingslóg um studningslán til at byggja húsarhaldsskúla í Klaksvík
• Uppskot til løgtingslóg um veiðigjøld
• Uppskot til løgtingslóg um almannatrygd og vælferð (Vælferðarlógin)
• Uppskot til løgtingslóg um fyrisiting av margfeldinum í náttúruni

Hesa tingsetuna hevur landsstýrið lagt í alt 98 uppskot fyri Løgtingið. Talan er um løgtingslógir, ríkislógartilmæli og uppskot til samtyktar