Koyrilíkindini eru ring í morgun. Hált er um alt landið, tað er jarðrok í støðum, og í støðum er bert eitt spor grivið.
Sambært nýggjastu fráboðanini hjá Landsverki, er í Suðuroynni ikki koyrandi eftir Fámjinsvegnum, og á Sandoynni er ikki er koyrandi til Skarvanes.
Tað er ikki koyrandi á Oyggjarvegnum, Gjáarvegnum, og Elduvíkavegnum, og tað er bara eitt spor grivið til Sumba, Saksunar og millum Hvannasund og Viðareiði.
Í morgun fór ein bussur hjá bussleiðini hjá Tórshavnar kommunu útav vegnum í Kaldbaksbotni, men sum skilst hevði hetta ikki nógv uppá seg.
Vaktleiðarin á løgreglustøðini í Havn sigur, at hóast tað hevur elvt til eitt sindur av trafikki í morgun, har einans eitt spor hevur verið grivið, hava sum so eingir trupulleikar verið, og hava tey ongar fráboðanir fingið um nakað óhapp ella nakran, sum hevur staðið fastur í morgun.
Koyrilíkindini hjá Landsverki síggjast her.
Vinarliga broyt tínar kennifíla - og privatlívsstillingar fyri at síggja hetta innihald