Leiðslan á Landsverki verður skipað í tríggjar deildir

Heðin Mortensen, landsstýrismaður í samferðslumálum hevur í dag gjørt av fyribils at skipa leiðsluna av Landsverki í hesar tríggjar deildir, sum hvør sær koma at vísa til Samferðslumálaráðið.

Býtið verður soleiðis:
- Infrakervi, maskinur og framleiðsla - Armgarð Steinhólm, leiðari
- Nýbygging, prosjektering og viðlíkahald av bygningum - Jón O. Sólsker, leiðari
- Stjórn- og samskipan - Hans Albert Hansen, leiðari

Fyrst í komandi ári verður lýst eftir nýggjum stjóra til Landsverk.

Ein av høvuðsuppgávum stjórans verður at umskipa stovnin í mun til tær avbjóðingar, sum liggja fyri framman.

Tað var mikudagin, at Samferðslumálaráðið boðaði frá, at Ewald Kjøbro, var sagdur úr starvi sum stjóri á Landsverki. Orsøkin var byggigølan Glasir.