Lendi á gula leypinum: 80.000 krónur til Klaksvíkar

Í øðrum snari syrgdi Poul Martin Rasmussen fyri, at mamma hansara vann 80.000 skattafríar krónur í Gekkinum.

Gekkaupphæddin var 230.000 krónur, men Poul Martin sum ringdi inn við fullari plátu fyri mammu sína, Mathildu, valdi at deila upphæddina í trý á teir tríggjar leyparnar.

Og rætt gjørdu tey. Í øllum førum lendu tey á gula leypinum, og vunnu 80.000 krónur.

- Vit halda, at hatta sær bara heilt gott út, segði ein ovfarin Poul Martin Rasmussen.

Næsta fríggjakvøld er Gekkurin 170.000 krónur.