Liam Payne, fyrrverandi limur í One Direction deyður

Bretski sangarin Liam Payne, sum er kendur úr dreingjabólkinum One Direction, er deyður.

Hann andaðist mikukvøldið, eftir at hann datt av altanini á sínum hotellkamari í argentinska høvuðsstaðnum Buenos Aires.

Hildið verður, at hann fekk skallabrot. Hotellkamar hansara var á triðju hædd, og hann datt umleið 13-14 metrar niður.

Løgreglan í Buenos Aires sigur í fráboðan, at tey fingu eina fráboðan frá einum starvsfólki á hotellinum um ein "ágangandi mann, sum kundi vera ávirkaður av rúsevnum og rúsdrekka".

Leiðarin á hotellinum segði seg hoyra larm, og tá løgreglan kom á staðið var ein maður dottin av altanini í kamarinum, skrivar Ritzau.

Liam Payne gjørdist 31 ára gamal. Eftir situr sjey ára gamli sonur hansara, sum hann fekk saman við bretsku songkvinnuni Cheryl Cole.