Innanlands

Lis Samuelsen til Suðurstreym

Frá 1. januar til 31. mars verður Lis Samuelsen virkandi sóknarprestur í Suðurstreymoyar vestara prestagjaldi.

(Mynd: Folkakirkjan.fo)

(Mynd: Folkakirkjan.fo)

2026-11-18 14:30 Author image
Alda Nielsdóttir
placeholder

Lis Samuelsen er sett í tíðaravmarkað starv sum virkandi sóknarprestur í Suðurstreymoyar vestara prestagjaldi.

Suðurstreymoyar vestara prestagjald fevnir um Vesturkirkjuna, Argja kirkju, Kirkjubøar kirkju og kirkjuna í Hesti.

Herfyri varð søkt eftir einum virkandi sóknarpresti fyri tíðarskeiðið 1. januar – 31. mars 2027, tá ið sóknarpresturin Bergur D. Joensen verður upptikin av nýggju bíbliutýðingini, og tvær umsóknir vóru til starvið, skrivar Fólkakirkjan.

Á felags kirkjuráðsfundi 16. november innstillaðu kirkjuráðini í nevnda prestagjaldi Lis Samuelsen í tíðaravmarkaða kallið.

Lis hevur drúgvar royndir sum prestur. Í 12 ár var hon prestur í Sorø Klosterkirke í Danmark. Eisini hevur hon verið herprestur hjá donsku verjuni, har hon m.a. hevur tænt í Estlandi í tríggjar mánaðir.

Seinastu tíðina hevur hon røkt nøkur vikariatir í føroysku fólkakirkjuni. Tað seinasta við støði í Vestmanna síðani 1. september 2025.

Lis byrjar í embætinum 1. januar 2027.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder