Ari av Rana
Almannamálaráðið hevur sett Lív Patursson í starv sum samskipari í javnstøðumálum.
Samskiparin fer at fremja átøkini í virkisætlanini fyri javnstøðupolitikkin, sum Eyðgunn Samuelsen, landsstýriskvinna lat úr hondum í fjør. Harafturat skal hon fremja mál, sum Javnstøðunevndin og Demokratia raðfesta, eins og vera skrivari hjá teimum báðum nevndunum.
Samskiparin fer eisini at varpa ljós á og gera kunnandi tilfar um javnstøðu, skipa fyri tiltøkum, og sum heild skipa økið og vera andlitið úteftir.
Lív Patursson er 35 ára gomul og útbúgvin kynfrøðingur. Hon byrjar í starvinum 20. august, skrivar Almannamálaráðið.
Eyðgunn Samuelsen, landsstýriskvinna í javnstøðumálum, gleðist um, at hetta týdningarmikla økið nú verður væl skipað, og ferð rættiliga kann setast á javnstøðuarbeiðið.
Trettan umsóknir vóru til starvið.
Vinarliga broyt tínar kennifíla - og privatlívsstillingar fyri at síggja hetta innihald