2019-06-11 08:02
Ari av Rana
Ari av Rana
Listafólkabústaðurin hevur skjótt verið virkin í 5 ár. Tjørnuvík er tann bygdin har listafólk streyma til fyri at hugsavna seg um tað listarliga.
Fyrr í ár varð ein forkunnugur filmur gjørdur av hollendska filmslistamanninum Martijn Bastiaans, um hvussu tað er, at búgva í Listafólkabústaðnum í Tjørnuvík.
Í 2014 varð samstarvsavtala millum LISA og Sunda kommunu undirskrivað um at bjóða skúlan í Tjørnuvík sum listafólkabústað. Kommunan fegnast um, at samstarvið hevur eydnast so væl. Longu nú er skúlin bílagdur lagt inn í 2020, skrivar kommunan.
Listafólkabústaðurin kann leigast føroyskum og útlendskum listafólki og listaligt virksemi, skapan, hugsavnan og líknandi í eina viku upp í tríggjar mánaðir.
Sí filmin ovast í greinini.
Vinarliga broyt tínar kennifíla - og privatlívsstillingar fyri at síggja hetta innihald