Løgmaður ásannar: Nógv bendir á val í desember

Løgmaður fæst ikki at siga, um løgtingsval verður skrivað út beinanvegin, men tað er nógv sum bendir á, at vit fáa eitt val í desember.

Tað avdúkaði hann í Degi og viku í kvøld.

Greitt er, at Bárður á Steig ikki fær hjálp úr andstøðuflokkunum at skipa samgonguna av nýggjum, og tí er helst eingin annar møguleiki enn at skriva út val.

Eitt løgtingsval skal vera í fyrsta lagi fýra vikur eftir, ella í mesta lagi fimm vikur eftir at løgmaður hevur útskrivað val.

Um løgmaður útskrivar val í morgin, kann tað í fyrsta lagi vera mikudagin 7. desember, og í seinasta lagi mikudagin 14. desember.