Løgreglan flytur nú inn í Húsagøtu

Gamli bankabygningurin, sum nú er umbygdur til politistøð, verður tikin í nýtslu næsta mánadag.

Løgreglan boðar frá, at tey hava stongt fríggjadagin 2. juli vegna flyting, og klokkan 10 mánadagin, verður latið upp í nýggju politistøðini í Húsagøtu 3.

Tað er danska fyritøkan Ommen & Møller A/S, sum hevur verið høvuðsarbeiðstakari og kostnaðarætlanin fyri nýggju politistøðina er 138 milliónir krónur.