Løgreglan kannar mál um harðskap í Vágum

Løgreglan arbeiðir í løtuni við einum harðskapsmáli í Vágum.

Løgreglan fekk í nátt eina fráboðan frá einum manni, sum segði, at hann var blivin sligin.

Hann hevði týðiligar skaðar í høvdinum og varð biðin um at lata seg kanna av einum lækna. Málið verður kannað nærri í dag, sigur vaktleiðarin á løgreglustøðini í Havn.

Løgreglan hevur eisini verið til staðar í Vágum, har Vestanstevna er hetta vikuskiftið, og í hesum sambandi kom løgreglan í nátt fram á ein bilførara, sum var ávirkaður av rúsdrekka.

Blóðroynd varð tikin av føraranum, og bíðað verður nú eftir úrslitinum.