Løgreglan: Nógv fólk í býnum

Í nátt vóru nógv fólk at síggja í býnum, og hevði løgreglan fitt av arbeiði í hesum sambandi.

Løgreglan hevur í nátt tikið tveir bilførarar í miðstaðarøkinum fyri at koyra avirkaðir av rúsdrekka, og tveir persónar hava fingið bót fyri brot á skilhaldsreglurnar.

Ein persónur hevur eisini sovið rúsin av sær í brummuni, tí hann hevði fingið ov nógv niðurum og ikki kláraði seg sjálvan, sigur vaktleiðarin á løgreglustøðini í Havn.

Umframt hetta hevur løgreglan eisini verið noydd at leggja seg uppí, tá fólk eru komin til ilnar, men annars hevur talan verið um eina friðarliga nátt, sigur vaktleiðarin.