Løgtingsforkvinnan hitt starvsfelagar í Útnorði

Løgtingið: Bjørt Samuelsen, løgtingsforkvinna, hevur í hesum døgum luttikið á fundum í Reykjavík. Útnorðurráðið hevði formansskapsfund, og luttók Bjørt Samuelsen á fyrsta sinni, sum forkvinna fyri føroysku sendinevndina.

Á fundinum í Útnorðurráðnum var eitt nú ársfundurin og hátíðarhaldið í sambandi við 40 ára stovningardag Útnorðurráðsins umrøddur. Hetta verður í Grønlandi seinni í ár.

Bjørt Samuelsen, løgtingsforkvinna, hitti harumframt nývalda forseta Altingsins, Þórunn Sveinbjarnardóttir. Saman við grønlendska formanninum fyri Inatsisartut, Kim Kielsen, umrøddu hesi trý tingforfólkini viðurskifti av felags áhuga fyri londini í Útnorði. Eitt nú spentu støðuna í heiminum og týdningin av at standa saman sum smátjóðir, í hesum serligu tíðum.